काठमाडौं- आशा लघुवित्त वित्तीय संस्था लिमिटेडले गत आर्थिक वर्षको तेस्रो त्रैमाससम्मको वित्तिय विवरण सार्वजनिक गरेको छ ।

लघुवित्तको नाफा गत आवको चैत मसान्तसम्मको तुलनामा  २६७.८२ प्रतिशतले नाफा बढाएको छ ।

गत आवको यसै अवधिमा २ करोड ९० लाख २६ हजार रुपैयाँ खुद नाफा कमाएको लघुवित्तले चालु आर्थिक वर्षको तेस्रो त्रैमाससम्ममा १० करोड ६७ लाख ६४ हजार रुपैयाँ खुद नाफा कमाएको छ ।

चुक्ता पूँजी २६ करोड ७१ लाख ३१ हजार रुपैयाँ रहेको लघुवित्तको वार्षिक प्रतिशेयर आम्दानी ३६.६३ रुपैयाँ बढेर ५३.२९ रुपैयाँ पुगेको छ ।

जगेडा कोषमा १५ करोड ३५ लाख ३३ हजार कायकम हुँदा प्रतिशेयर नेटवर्थ १५७.४० रुपैयाँ छ । संस्थाको मूल्य आम्दानी अनुपात अर्थात पीई रेसियो ३२.४६ गुणा छ ।

विवरण अनुसार लघुवित्तले १ अर्ब १९ करोड ३९ लाख रुपैयाँ निक्षेप संकलन तथा २ अर्ब ११ करोड २३ लाख रुपैयाँ सापटी लिएर ३ अर्ब ६३ करोड ८९ लाख रुपैयाँ कर्जा प्रवाह गरेको छ ।

यसबाट लघुवित्तले १८ करोड ९८ लाख ४४ हजार रुपैयाँ खुद ब्याज आम्दानी र १५ करोड ५१ लाख ८३ हजार रुपैयाँ सञ्चालन नाफा गरेको छ । समीक्षा अवधिमा संस्थाको निक्षेप संकलन ६३.५५, कर्जा लगानी ६०.६८, खुद ब्याज आम्दानी ७८.४० प्रतिशतले बढेको छ । गत आवको यही अवधिमा लघुव्त्ति ७२ लाख सञ्चालन नोक्सानीमा थियो ।