काठमाडौं- रोल्पामा एक युवकको धारिलो हतियार प्रहार गरेर हत्या भएको छ। मंगलबार साँझ परिवर्तन गाउँपालिका६ नाफेका वर्ष ३१ का विरेन्द्रप्रकाश गिरीको हत्या भएको हो।

साँझ ८ः१५ बजे अपरिचित ३ जना व्यक्तिले  गिरीको हत्या गरेको जिल्ला प्रहरी प्रमुख एवं प्रहरी नायव उपरीक्षक नरेशराज सुवेदी बताए । नयाँ घरको बार्दली बनाई बस्दै आएको घर जाँदै गरेका बेला गिरीको हत्या भएको हो। घटनाको जानकारी लगत्तै इलाका प्रहरी कार्यालय पाछाबाङ, घर्तिगाउँ र प्रहरी चौकी इरिबाङबाट प्रहरीको टोली घटनास्थल पुगेको छ।

बुधबार बिहान मुचुल्का उठाउने कार्य भइरहेको प्रनाउ सुवेदीले जानकारी दिए। हत्यामा संलग्न सबै फ्रहार रहेका छन्। घटनामा संलग्नहरुको खोजी भइरहेको जनाइएको छ।