काठमाडौंको चन्द्रागिरी नगरपालिका २ नागढुङ्गाबाट प्रहरीले आज बिहान प्रतिबन्धित लागूऔषधसहित दुईजना भारतीय नागरिकलाई पक्राउ गरेको छ।

पक्राउ पर्नेमा भारत बिहार मोतिहारी मौहावा ६ बस्ने १९ वर्षीय पप्पुकुमार यादव र सोही ठाउँ बेलाजितपुर १५ बस्ने २६ वर्षीय सुवासकुमार यादब रहेका छन्। 

बाराबाट काठमाडौंतर्फ आउँदै गरेको ना ७ ख ७१३२ नम्बरको बसलाई महानगरीय प्रहरी प्रभाग नागढुंगाबाट खटिएको प्रहरीले जाँच गर्ने क्रममा बसमा सवार उनीबाट डाइजेपाम चार सय ९५ एम्पुल, नुफिन पाँच सय एम्पुल र फेनारगन दुई सय ९५ एम्पुल बरामद गरेको हो ।