काठमाडौं – विजय लघुवित्त वित्तिय संस्थाले चालु आवको पुस मसान्तसम्म ७ करोड २९ लाख १३ हजार खुद नाफा कमाएको छ । कम्पनीले हालै सार्वजनिक गरेको चालु आवको दोस्रो त्रैमासिक वित्तिय विवरणले यस्तो देखाएको हो । 
कम्पनीको यो नाफा गत आवको सोही अवधीको भन्दा बढी हो ।  गत आवको सोही अवधीमा कम्पनीले ५ करोड ६६ लाख ३४ हजार खुद नाफा कमाएको थियो ।

समिक्षा अवधीसम्म कम्पनीले रु. ८९ करोड ३१ लाख ९३  हजार निक्षेप संकलन गरेको छ । यस्तै, कर्जा तर्फ भने कम्पनीले रु. ४ अर्ब ७ करोड ८ लाख १४ हजार प्रवाह गरेको छ । 

प्रवाहित कर्जाबाट कम्पनीले चालु आवको ६ महिनामा २७ करोड ५१ लाख ४० हजार कुल व्याज आम्दानी गरेको छ । कम्पनीको खुद व्याज आम्दानी भने रु. १५ करोड ५४ लाख रहेको छ ।

हाल कम्पनीको चुक्तापुँजी रु. २६ करोड ६५ लाख ९७ हजार रहेको छ । कम्पनीले आफ्नो जगेडामा रु. १२ करोड ८५ लाख २३ हजार जम्मा गरेको छ । 
वित्तिय विवरण अनुसार कम्पनीको प्रतिशेयर आम्दानी (लाभांश क्षमता) रु. ५४.७० रहेको छ । यसैगरि  प्रतिशेयर नेटवर्थ १४८.२१, तरलता अनुपात ४.९२ र प्रतिशेयर कुल सम्पत्तिको मुल्य १६२३.३६ रहेको छ । साथै, मुल्य आम्दानी अनुपात २१.०९ प्रतिशत रहेको छ ।