काठमाडौं – सपोर्ट लघुवित्त वित्तिय संस्थाले चालु आवको पुस मसान्तसम्म १ करोड ५८ लाख ८ हजार खुद नाफा कमाएको छ । कम्पनीले हालै सार्वजनिक गरेको चालु आवको दोस्रो त्रैमासिक वित्तिय विवरणले यस्तो देखाएको हो । 
कम्पनीको यो नाफा गत आवको सोही अवधीको भन्दा बढी हो ।  गत आवको सोही अवधीमा कम्पनीले ६३ लाख ७७ हजार खुद नाफा कमाएको थियो ।

समिक्षा अवधीसम्म कम्पनीले रु. २१ करोड ९९ लाख ९८  हजार निक्षेप संकलन गरेको छ । यस्तै, कर्जा तर्फ भने कम्पनीले रु. १ अर्ब ४ करोड ७१ लाख ४४ हजार प्रवाह गरेको छ । 

प्रवाहित कर्जाबाट कम्पनीले चालु आवको ६ महिनामा ७ करोड २१ लाख २३ हजार कुल व्याज आम्दानी गरेको छ । कम्पनीको खुद व्याज आम्दानी भने रु. ४ करोड १३ लाख रहेको छ ।

हाल कम्पनीको चुक्तापुँजी रु. ६ करोड ६० लाख रहेको छ । कम्पनीले आफ्नो जगेडामा रु. ३ करोड ७८ लाख ७९ हजार जम्मा गरेको छ । 
वित्तिय विवरण अनुसार कम्पनीको प्रतिशेयर आम्दानी (लाभांश क्षमता) रु. ४७.९० रहेको छ । यसैगरि  प्रतिशेयर नेटवर्थ १५७.३९, तरलता अनुपात ६.८१ र प्रतिशेयर कुल सम्पत्तिको मुल्य १७८८.२८ रहेको छ । साथै, मुल्य आम्दानी अनुपात २६.४९ प्रतिशत रहेको छ ।