काठमाडौं – निर्जीवन बीमा कम्पनीहरुले चालु आवको मंसिरसम्म १२ अर्ब रुपैयाँ बीमाशुल्क संकलन गरेका छन् । बीमा समितिबाट प्राप्त तथ्यांकअनुसार चालु आवको ५ महिनामा १९ निर्जीवन बीमा कम्पनीले यतिका बीमाशुल्क संकलन गरेका हुन् । 
हाल नेपालमा २० निर्जीवन बीमा कम्पनी छन् । तर, सरकारी स्वामित्वमा रहेको राष्ट्रिय बीमा संस्थानले भने उक्त अवधीमा विवरण समितिमा नबुझाएको बताइएको छ ।
बीमाशुल्क संकलन गर्ने मामलामा शिखर इन्स्योरेन्स अग्र स्थानमा देखिएको छ । कम्पनीले यस अवधीमा रु. १ अर्ब ३७ करोड बीमाशुल्क उठाएकोछ। 
यस्तै, दोस्रो नम्बरमा रहेको नेको इन्स्योरेन्सले रु. १ अर्ब १३ करोड बीमाशुल्क संकलन गरेको छ । सगरमाथा इन्स्योरेन्सले पनि सोही बराबर नै बीमाशुल्क उठाएको तथ्यांकमा उल्लेख छ । 

हेर्नुहोस, कुन कम्पनीले कति बीमाशुल्क उठाए ? शिखरः रु. १ अर्ब ३७ करोड

• नेकोः रु. १ अर्ब १३ करोड 
• सगरमाथाः रु. १ अर्ब १३ करोड 
• सिद्धार्थः रु. १ अर्ब  
• एनलजीः रु. ९१ करोड 
• प्रिमियरः रु. ६९ करोड 
• लुम्बिनी जनरलः रु. ५६ करोड
• आइएमई  जनरलः रु. ५६ करोड
• प्रुडेन्सियलः ५३ करोड 
• नेपाल इन्स्योरेन्सः रु. ५२ करोड
• अजोडः ५२ करोड
• युनाईटेडः ४७ करोड 
• प्रभुः रु. ४६ करोड 
• ओरियन्टलः रु. ४५ करोड 
• हिमालयन जनरलः रु. ४१ करोड
• एभरेष्टः रु. ४१ करोड 
• नेशनलः रु. ३६ करोड
• जनरलः रु. २९ करोड 
• सानिमा जनरलः रु. २३ करोड