काठमाडौँ – काठमाडौँको नयाँ बसपार्कबाट तीन जना पेस्तोलसहित पक्राउ परेका छन् ।

महानगरीय प्रहरी कार्यालय रानी पोखरीबाट खटेको टोलीले आइतबार साँझ काठमाडौँ महानगरपालिका २६ मित्रनगर नयाँ बसपार्कमा रहेको नेपाली तारा होटलबाट तीन जनालाई पक्राउ गरेको हो ।

पक्राउ पर्नेमा नुवाकोट लिखु गाउँपालिका ४ चौघडाका २९ बर्षिय प्रितम राई, ३७ बर्षिय  राम कुमार राई र भारत दार्जिलिङ घर भई काठमाण्डौ टोखा बस्ने ३६ बर्षिय  सविन खवास छन् ।

उनीहरुको साथबाट बाराट मेड इटाली लेखिएको अटोमेटिक पेस्तोल र पेस्तोलमा लाग्ने ५ राउण्ड गोलीसमेत बरामद गरेको छ ।

तेस्तै उनीहरुको साथबाट २२० सीसीको बा ६७ प २६६६ र बा ९९ प १३०३ नम्बरको दुई मोटरसाइकल पनि बरामद गरेको छ ।

घटनाको सम्बन्धमा थप अनुसन्धान भइरहेको प्रहरीले जनाएको छ ।